कर्मचारी आचारसंहिताको अक्षरशः कार्यान्वयन गर्ने

संघीय मामिला तथा सामान्य प्रशासन मन्त्रालयले सबै निजामती कर्मचारीहरूलाई स्वीकृत आचारसंहिता पूर्ण रूपमा पालना गर्न कडा निर्देशन दिएको छ। शासकीय सुधारका १०० वटा कार्यसूचीलाई प्रभावकारी रूपमा लागू गर्दै सार्वजनिक सेवालाई मर्यादित र जवाफदेही बनाउन यो कदम चालिएको हो। आचारसंहिता पालनाको नियमित अनुगमन गरिने र उल्लंघन गर्ने कर्मचारीलाई नियमानुसार कारबाही गरिने मन्त्रालयले जनाएको छ।