मन्त्रालयको संख्या घटाएर संघीय मन्त्रालयको संख्या १७ कायम गर्न नेपाल सरकार (कार्य…

Late

नेपाल सरकारले हालैको मन्त्रिपरिषद् बैठकबाट सरकार (कार्य विभाजन) नियमावली, २०८३ स्वीकृत गर्दै संघीय मन्त्रालयहरूको संख्यामा व्यापक कटौती गर्ने निर्णय गरेको छ। यस नयाँ व्यवस्था अनुसार, प्रशासनिक प्रणालीलाई छरितो र प्रभावकारी बनाउन हाल कायम रहेका २२ वटा मन्त्रालयहरूको संख्यालाई घटाएर १७ मा सीमित गरिएको छ। यस १७ वटा मन्त्रालयको सूचीमा प्रधानमन्त्री तथा मन्त्रिपरिषद्को कार्यालय समेत समावेश गरिएको छ।

सरकारको यो कदम मुख्यत: प्रशासनिक संरचनामा देखिएका दोहोरोपन र अनावश्यक भारलाई कम गर्ने उद्देश्यले चालिएको हो। मन्त्रालयहरूको संख्या घटाएर कार्यविभाजनलाई व्यवस्थित गर्दा सरकारी सञ्चालन खर्चमा समेत कटौती हुने र प्रशासनिक कार्यसम्पादनमा चुस्तता आउने अपेक्षा गरिएको छ।